MKURUGENZI MTENDAJI AMEZINDUA MAFUNZO YA UTOAJI ELIMU YA MFUMO WA FURSA NA VIKWAZO KWA MAENDELEO

Posted on: September 11th, 2024

Mkurugenzi Mtendaji wa Halmashauri  ya Wilaya ya  Nyang’hwale, Ndg. Husna Toni, leo Septemba 11, 2024 amezindua mafunzo ya utoaji elimu ya Mfumo Ulioboreshwa wa Fursa na Vikwazo kwa Maendeleo yaliyofanyika katika Ukumbi wa mikutano wa Kituo cha uwezeshaji Wananchi Kiuchumi.

Mfumo ulioboreshwa unalenga kuishirikisha jamii katika maamuzi ya uanzishwaji wa miradi ya maendeleo inayoanzishwa kwa nguvu za Wananchi na ile inayotengewa fedha kutoka vyanzo mbalimbali.

Mkurugenzi ameelekeza kuwa Wataalamu wa Halmashauri watoe msaada wa ushauri, kitaalamu, na kifedha wa namna ya utekelezaji wa miradi inayoianzishwa na Wananchi ili kuleta maendeleo katika jamii.

Diwani wa kata ya Kharumwa Mhe.Leonard Mgema amewasisitiza wajumbe wa mkutano kupokea mafunzo hayo na kwenda kutekeleza kwa vitendo katika majukumu ya kazi zao.

Aidha, Mwenyekiti wa kijiji cha Bumanda Ndg. Kagembe Kabeta amependekeza kuwa Serikali isaidie kumalizia miradi iliyoanzishwa kwa nguvu za Wananchi ili iweze kuanza kutoa huduma.