MILIONI 373, 500, 000 ZATOLEWA KWA VIKUNDI 61 KWA VIJANA, WANAWAKE NA WENYE ULEMAVU

Posted on: January 31st, 2025

Halmashauri ya Wilaya ya Nyang’hwale jana Januari 30, 2025 imefungua pazia la utoaji wa mikopo ya asilimia kumi ya mapato ya ndani kwa Vikundi vya Wanawake, Vijana na Watu wenye ulemavu.

Hafla hiyo imefanyika katika ukumbi wa Shule ya Sekondari Msalala ambapo Mkuu wa Wilaya ya Nyang’hwale, Mhe, Grace Kingalame amekabidhi mfano wa hundi yenye thamani ya Tsh. Milioni 373,500,00/= kwa jumla ya vikundi 61 vya Wanawake, Vijana na Wenye ulemavu.

Aidha, Mhe, Kingalame ametoa rai kwa vikundi 64 ambavyo vimekosa sifa ya kupatiwa mikopo kutokana na mapungufu mbalimbali yaliyobainika na kamati zilizowatembelea, wafanyie kazi mapungufu hayo ili waweze kupatiwa mikopo hiyo.

Pamoja na mambo mengine amevitaka vikundi 83 vinavyodaiwa na muda wake wa marejesho umepita kuhakikisha wanafanya marejesho haraka iwezekanavyo ili fedha hizo ziweze kukopeshwa kwa vikundi vingine.