MHE.GRACE KINGALAME AZUNGUMZA NA WANANCHI WA KIJIJI CHA NG'WASABUKA

Posted on: April 16th, 2024

Mkuu wa Wilaya ya Nyang'hwale, Mhe. Grace Kingalame leo Aprili 16, 2024 amezungumza na  Wananchi wa Kijiji Cha Ng'wasabuka, Kata ya Mwingiro.

Mhe. Kingalame amezungumza na Wananchi hao juu ya mpango kazi wa ulipwaji wa fidia kwa Wananchi hao kutoka Mgodi wa Barrick Bulyanhulu baada ya zoezi la uthamini na taratibu nyengine zinazohusiana na zoezi hilo kukamilika.

"Ndugu zangu Wananchi niwaombe muwe watulivu na wastahimilivu kwa kipindi cha muda mchache wakati wataalamu wetu wakikamilisha taratibu za mwisho kuelekea kulipwa fedha zenu" Amesema Mhe. Kingalame

"Mimi nikiwa kama Mwenyekiti wa Usalama wa Wilaya hii nitahakikisha kila Mwananchi anapata haki yake kama alivyofanyiwa uthamini kwa mujibu wa sheria za Nchi yetu" Ameongeza Mhe. Kingalame

Ziara ya Mkuu wa Wilaya iliambatana na Watalamu kutoka ofisi ya vitambulisho vya Taifa (NIDA), Maafisa wa benki kwa ajili ya kuhakikisha kila Mwananchi anakua na akaunti ya kupokelea fedha zake na wataalamu wa Halmashauri.

Mhe. Kingalame amewasisitiza Wananchi hao kuhakikisha kila mmoja anakua na viambata muhimu vinavyotakiwa kama namba au vitambulisho vya NIDA na akaunti za benki ili kila Mwananchi apatae haki yake kwa wakati.