MBUNGE WA NYANG'HWALE AKABIDHI VITANDA 68 VYA WAGONJWA

Posted on: January 10th, 2025

Mbunge wa jimbo la Nyang’hwale, Mhe, Hussein Nassor Amar leo Januari 10, 2024 amekabidhi vitanda 68 na magodoro 37 vilivyotolewa na Serikali kupitia wizara ya TAMISEMI ili kuboresha huduma za Afya Wilayani Nyang’hwale.

Mganga Mfawidhi wa Hospitali ya Wilaya, Dkt. Zakhia Mbulla, amesema kwa kipindi cha mwaka wa fedha 2023/2024 H/W Nyang’hwale imepokea vitanda 68 na Magodoro 37 kwa ajili ya Hospitali ya Wilaya, vituo vya Afya na Zahanati.

Mhe, Hussein amesema kuwa anamshuru Mhe. Rais, Dkt. Samia Suluhu Hassan kwa kuendelea kuboresha huduma za Afya Wilayani Nyang’hwale kwa kuleta vifaa tiba, madawa na watumishi.

Mkurugenzi Mtendaji wa H/W Nyang’hwale, Ndg, Husna Toni, amemshukuru Mhe, Mbunge kwa kuendelea kutumia nafasi yake ya uwakilishi Bungeni kwa kuitetea na kuisemea Nyang’hwale.