Majaliwa aagiza kukamatwa Mkaguzi wa Ndani Nyang’hwale

Posted on: November 30th, 2018

Waziri Mkuu wa Jamhuri ya Muungano wa Tanzania Mhe. Kassim Majaliwa ameagiza kukamatwa na kuchukuliwa hatua za Kisheria kwa Mkaguzi wa Ndani wa Halmashauri ya Nyang’hwale kwa kuisababishia Hasara Serikali kutokana na upotevu wa Fedha za Miradi zaidi ya Bilioni Tatu. na wengine watakaobainika kwenye uchunguzi wakamatwe na kuunganishwa kwenye kesi hiyo ili

Amesema hayo Jumatano Novemba 28, 2018 alipokuwa akizungumza na Watumishi wa Wilaya hiyo kwenye Ukumbi wa Mikutano wa Halmashauri. Amesema haiwezekani Mkaguzi wa Ndani akawepo kwenye Taasisi na Fedha zipotee yeye akiwa anaangalia tu.

Aidha, Majaliwa amesisitiza Watumishi kuwajibika kwa kufanya kazi kwa Weledi na kujiepusha na Wizi, Ufisadi, Rushwa,na Ubadhirifu wa aina yoyote kwenye Serikali ya awamu ya tano.

Amewata Madiwani kulinda Fedha za Miradi zisipotee na ziwe na thamani Halisi kulingana na Ubora wa Miradi ilivyo. Amewasihi pia kushirikiana na watendaji ili kuijenga Nyang’hwale Changa kwani inahitaji nguvu ya pamoja kuiinua.

Kutokana na Taarifa ya kuwa na Mimba 72 kwa mwaka kwa Watoto wa shule Wilayani humo, Majaliwa ameagiza Maafisa Elimu kutokaa Ofisini badala yake waende Maashuleni wakatatue matatizo huko na amemtaka Naibu Waziri TAMISEMI kubaki Wilayani hapa kuzungumza na idara zote za Elimu na kuhusiana na Suala la Mimba na Kutoa Maagizo ya Serikali.

Alipokuwa akizungumza na Wananchi kwenye Mkutano wa Hadhara amewahakikishia wananchi kupata maji mwakani ikiwa ni mwendelezo wa kampeni aliyoanzisha Mhe. Rais ya “Mtue Mama Ndoo”. Ambapo amemtaka Mhandisi wa Maji kutoka Wizara ya Maji kwa niaba ya Katibu Mkuu kubaki Wilayani hapa kusimamia Mradi huo hadi apate ufumbuzi wa kuuendeleza.

Suala la Barabara amewaahidi kwenye bajeti ya mwaka wa Fedha ujao Busisi hadi Nyaholongo itajengwa kwa kiwango cha lami.

Aidha amesema pia suala la wapi ni Makao makuu ya Wilaya hiyo kuwa ni Kharumwa kutokana na vikao halali vilivyokaliwa hapo awali na sio kwa mapenzi ya mtu Fulani.

Amewahakikishia wazazi kuwa Mashuleni hakuna Michango tena hivyo basi wawapeleke Watoto wao shule kuwaandikisha mara wanapotimiza umri wa kuanza shule.