MAFUNZO YATOLEWA KWA WASIMAMIZI WA VITUO NA WASIMAMIZI WASAIDIZI WA VITUO VYA KUPIGIA KURA

Posted on: October 26th, 2025

Msimamizi wa Uchaguzi jimbo la Nyang’hwale Ndg. David Mabula leo Oktoba 26, 2025 amefungua mafunzo Ya Wasimamizi wa Vituo na Wasimamizi Wasaidizi wa Vituo vya kupigia Kura kwa ajili ya maandalizi ya Uchaguzi Mkuu wa Rais, Wabunge na Madiwani.

Mafunzo hayo yanafanyika kwa muda wa siku mbili kuanzia leo Oktoba 26 hadi Oktoba 27, 2025 ambapo jumla ya Wasimamizi na Wasimamizi Wasaidizi wa Vituo vya kupigia Kura 1,110 wanapatiwa mafunzo hayo katika Bwalo la Shule ya Sekondari Msalala na Shule ya Sekondari Nyang’hwale.

Akiwa katika mafunzo hayo Msimamizi wa Uchaguzi amewaapisha Wasimamizi wa Vituo na Wasimamizi Wasaidizi wa Vituo vya kupigia Kura kiapo cha kutunza siri na kujitoa uanachama wa chama cha Siasa.

Aidha, amewataka Wasimamizi wa Vituo na Wasimamizi Wasaidizi wa Vituo vya kupigia Kura kuzingatia Sheria, Kanuni za Taratibu za kusimamia Uchaguzi kwa kuwa ndio msingi wa Uchaguzi bora.

Katika hatua nyengine, Wasimamizi wa Vituo na Wasimamizi Wasaidizi wa Vituo vya kupigia Kura wametakiwa kuendelea kuzisoma na kuzielewa Sheria, Kanuni na Taratibu ili kusimamia uchaguzi kwa weledi.

Wasimamizi wa Vituo na Wasimamizi Wasaidizi wa Vituo wamepewa mafunzo mbalimbali ikiwemo kujua taratibu za upigaji Kura, Mazoezi ya ufungaji Vituturi,Masanduku ya Kura na Matumizi ya Majalada ya Nukta nundu.