MAADHIMISHO YA SIKU YA WALIMU GEITA YAFANA WILAYANI BUKOMBE

Posted on: October 3rd, 2025

Waziri Mkuu wa Jamhuri ya Muungano wa Tanzania Mhe, Kassim Majaliwa Majaliwa amesema Serikali ya awamu ya Sita imeendelea kuthamini na kuwekeza kwenye kada ya ualimu.

Mhe. Majaliwa ameyasema hayo leo Oktoba 03, 2025 kwenye Maadhimisho ya Siku ya Mwalimu Duniani yaliyofanyika kimkoa Wilayani Bukombe kwenye Viwanja vya Shule ya Msingi Ushirombo.

Amesema Serikali ya awamu ya Sita imeendelea kusimamia Sera na mikakati ya kuboresha elimu kwa kuajiri walimu wapya kila mwaka ili kupunguza upungufu na mzigo kwa Walimu waliopo.

"Takwimu zinaonesha wazi kuwa idadi ya walimu kwa mkoa wa geita imeendelea kuongezeka kutoka walimu 11,646 mwaka 2021 hadi kufikia walimu13,379 kwa mwaka 2025" Ameeleza

Aidha, amesema Serikali pia imeendelea kuboresha maslahi ya walimu ambapo kwa mwaka wa fedha 2024/2025 zaidi ya walimu 7,500 wamepandishwa madaraja yao na kazi hiyo inaendelea.

Naibu Waziri Mkuu, na Waziri wa Nishati, Mhe. Dotto Biteko amesema taaluma ya ualimu ndio taaluma pekee inayomtengeneza mtu awe bora kuliko mwalimu mwenyewe..

"Mwalimu hupambana wakati wote kumfanya mtu kuwa bora, hujinyima muda wake na nguvu zake nyingi kumtengeneza mtu kuwa mume bora, mke bora na baadae Mzazi bora wa familia" Amefafanua Mhe, Biteko.

Kushoto Mkuu wa Wilaya ya Nyang'hwale Mhe. Grace Kingalame pamoja na Mkuu wa Wilaya ya Chato Mhe. Louis Bura kwenye Maadhimisho ya Siku ya Mwalimu.

Mkurugenzi Mtendaji wa Halmashauri ya Wilaya ya Nyang'hwale Ndg. Husna Toni akiwa kwenye maadhimisho ya Siku ya Mwalimu