KUELEKEA SHEREHE ZA MIAKA 59 YA MUUNGANO WA TANZANIA NYANG'HWALE YAFANYA USAFI WA MAZINGIRA

Posted on: April 21st, 2023

Kuelekea Kilele cha Maadhimisho ya Miaka 59 ya Muungano wa Tanganyika na Zanzibar Wilaya ya Nyang'hwale imefanya Usafi Maeneo yote ikiwa ni Mwendelezo wa kile ambacho wamekua wakifanya kila siku. Leo tarehe 21/04/2023 Katibu Tawala Wilaya Ndugu Fabian Yinza Akimuwakilisha Mkuu wa Wilaya hii aliongoza Mamia ya wananchi walio kwenye eneo la Mgodi wa Igalula kufanya usafi wa Mazingira. 

Zoezi Hili liliongezwa nguvu na Watumishi wa Serikali Kutoka Taasisi zote zinazotoa huduma Nyang'hwale ikiwa ni Wafanyakazi wa Halmashauri ya Wilaya ya Nyang'hwale wakiongozwa na Mkurugenzi Mtendaji wa Wilaya, Wafanyakazi wa Tarura, RUWASA, TANESCO, Ofisi ya Mkuu wa Wilaya, NIDA, Jeshi la Akiba, Jeshi wa Polisi na Vikosi vingine vya Majeshi.