KIKAO MAALUM CHA KAMATI YA FEDHA, UTAWALA NA MIPANGO CHARIDHIA KUBADILI MFUMO WA UJENZI JENGO LA HALMASHAURI - NYANG'HWALE

Posted on: February 25th, 2023

KIKAO MAALUM CHA KAMATI YA FEDHA, UTAWALA NA MIPANGO CHARIDHIA KUBADILI MFUMO WA UJENZI JENGO LA HALMASHAURI - NYANG'HWALE

Kikao Maalum Cha Kamati ya Fedha, Utawala na Mipango kilichoketi leo tarehe 25/02/2023 katika Ukumbi wa Halmashauri ya Wilaya ya Nyang'hwale kimekubali Ombi la Kubadili Mfumo wa Ujenzi wa Jengo la Utawala la Halmashauri hiyo. Hatua hii imefikiwa baada ya mfumo wa awali wa kutumia Mkandarasi kushindwa kukamilisha kazi kwa wakati kutokana na  changamoto mbalimbali.

Kwa niaba ya Mkurugenzi Mtendaji wa Halmashauri Mhandisi wa Wilaya, Mhandisi Bruno Marco alizitaja changamoto hizo kuwa ni Halmashauri Kukosa Fedha za Ujenzi Kwa vipindi tofauti na pili ni Mkandarasi kukosa Mtaji wa kutekeleza mkataba kama ilivyokusudiwa.

Akiwasilisha Taarifa ya Kuomba ridhaa ya kutekeleza mradi kwa "Force Account"

Mhandisi Bruno aliwaeleza wajumbe wa Kamati kuwa kiasi Cha Fedha shilingi Bilioni moja kilichotolewa na Serikali ya Awamu ya sita inayoongozwa na Mh Rais Dr Samia Suluhu Hassan kitatumika kuezeka na kukamilisha upande wa chini wa Jengo (Ground Floor) Ili shughuli za kiofisi ziweze kuendelea wakati ukamikishaji wa floor ya juu ukiwa unaendelea. Ujenzi huu unataraji kufanyika kwa kipindi cha miezi minne baada ya upatikanaji wa fundi atakayefanya kazi hii.

Aidha Kamati kwa niaba ya Wananchi wa Halmashauri ya Wilaya ya Nyang'hwale imemshukuru Mh Rais Dr Samia Suluhu Hassan kwa kutoa fedha za ukamilishaji wa Jengo la Utawala ili kuboresha utaoji wa huduma kwa Wananchi, aidha Kamati imebariki na kuridhia ombi Hilo na kuagiza usimamizi ufanyike kwa kuzingatia Sheria, Kanuni na Taratibu zilizowekwa na Serikali.

Kamati ilisisitiza Utekelezaji ufanyike kwa wakati ili ofisi za Halmashauri ziondoke katika majengo ya Hospitali ya Wilaya kuruhusu utoaji wa huduma za Afya kufanyika sawasawa na malengo ya Serikali kwa Wananchi wake.