KIKAO KAZI KWAAJILI YA UTEKELEZAJI WA MIRADI YA MAENDELEO NYANG’HWALE

Posted on: April 19th, 2023

Kikao kazi cha Mkurugenzi Mtendaji wa Halmashauri ya Wilaya ya Nyang’hwale na Afisa Watendaji wa Kata, Vijiji, Wakuu wa Shule na Walimu Wakuu kimefanyika leo tarehe 19/04/2023 katika Ukumbi wa Shule ya Sekondari Msalala. Kikao hiki cha kuelekezana na Kukumbushana mambo ya kuzingatia wakati wa Utekelezaji wa Miradi ya Maendeleo kimekua kikifanyika kwaajili ya kuongeza Ufanisi katika Kutekeleza miradi.  Hii imekuja baada ya Halmashauri ya Wilaya kupokea zaidi ya Kiasi cha Tshs. Milioni Mia Tisa na Hamsini kwaajili ya Utekelezaji wa Miradi ya Maendeleo.  

Akizungumza Kwenye Kikao hicho Mkurugenzi Mtendaji wa Halmashauri ya Wilaya ya Nyang’hwale Bi. Husna Toni amewakumbusha Wajumbe wa Kikao hicho kutimiza najukumu yao kwani kutokutimiza Majukumu ni utovu wa nidhamu na ni dhambi kwa Mungu, kutekeleza miradi kwa gharama nafuu huku wakizingatia ubora na alama tambuzi (Specifications) zilizotolewa na Mhandisi, Uundwaji wa Kamati za Ujenzi zenye sifa na waledi ili kupata mradi ulio na ubora, Viongozi wa Kata na Vijiji kuhakikisha kunakua uwazi na uwajibikaji. Alikumbushia swala la ulinzi na Utunzaji wa vifaa vya miradi ili kuepousha upotevu wa mali za Serikali na kutokuongeza gharama za Mradi, Malipo kwa Mafundi yafanyike kwa wakati ili miradi ikamilike kwa wakati, Pia aliwakumbusha Wakuu wa Shule na Walimu wakuu kuhudhulia Vikao vya Vijiji.

Kwa upande mwingine Afisa Takukuru Wilaya, Bi. Wakuru David aliwahasa kutojihusisha na mambo yote yatakayokwamisha Miradi hiyo ambayo lengo lake ni kuongeza hali ya utoaji huduma kwa wananchi wa Nyang’hwale. Alizungumzia umuhimu wa kutekeleza miradi kwa kufata Sheria, Kanuni, Taratibu na Miongozo iliyowekwa na Serikali ikiwa.

Aidha Afisa Mipango Wilaya Ndugu Utali Makwea aliongelea swala la ushirikishwaji wa Jamii katika ujenzi wa Miradi hiyo kwa kuwataka watendaji kuhakikisha wanaielewesha jamii juu ya uwepo na umuhimu wa kuchangia miradi hiyo (Nguvu za Wananchi). Sambamba na hilo alizungumzia swala la uchaguzi wa eneo la kujenga mradi kuwa ni swala ambalo linapaswa kutazamwa vizuri kwani uchaguzi mbaya unaweza kusababisha gharama za maandalizi ya eneo kuwa kubwa, pia alizungumzia swala la uwepo wa faili la Mradi husika na litunze nyaraka zote za Mradi.