KIKAO CHA BARAZA LA BIASHARA WILAYA YA NYANG’HWALE

Posted on: October 27th, 2022

Kikao cha Baraza la Biashara cha Wilaya kimefanyika leo Tarehe 27/10/2022 katika ukumbi wa Halmashauri ya Wilaya ya Nyang'hwale. Mwenyekiti wa Baraza la Biashara ambaye ni Mkuu wa Wilaya ya Nyang’hwale Mh. Jamhuri D. William ameongoza Baraza hilo lililohudhuriwa na Viongozi wa Wafanyabiashara, Wadau wa Biashara (Mabanki), Wakuu wa Idara na Wataalamu kutoka Taasis mbalimbali pamoja na Wafanyabiashara.

Baraza lilipokea na kujadili Taarifa mbalimbali kutoka Taasis za Umma na Wadau. Taarifa zilizopokelewa ni pamoja na Taarifa ya Idara ya Biashara, Viwanda na Uwekezaji, Taarifa ya Idara ya Kilimo, Mifugo na Uvuvi, Taarifa kutoka TANESCO, TARURA, RUWASA, Taarifa kutoka kitengo cha Manunuzi cha Halmashauri, Taarifa ya Afisa Madini Wilaya, Taarifa kutoka Bulyanhulu Gold Mining Ltd, Nyanzaga Gold Mining Ltd, Taarifa kutoka Banki ya NMB, CRDB, Taarifa kutoka Bima ya Afya Nyang’hwale na Taarifa kutoka kwa Meneja wa TRA Mkoa wa Geita.

Baada ya kupokea na kujadili taarifa hizo Wadau walitoa Changamoto mbalimbali na kuweka Maazimio ili kukabiliana na Changamoto hizo. Changamoto zilizotolewa ni pamoja kutokuwepo kwa Ofisi ya TRA wilayani hivyo wafanyabiashara kukosa huduma yao kwa urahisi. Wafanyabiashara na watoa huduma kwenye Miradi ya CSR kutokua na risiti za EFD. Kupatiwa eneo maalumu la Machinga siku za jumatano na jumamosi ili kusaidia wafanyabiashara wanaosafiri kutoka mbali kuja kwenye mnada kwa siku hizo kutokosa maeneo ya kupanga bidhaa zao (Sasa wafanyabishara wa soko la kawaida wanachanganyikana na wale wanaosafiri kutoka mbali hivyo kunakua na msongamano mkubwa na wengine kukosa kabisa maeneo ya Biashara kwa siku ya jumatano na jumamosi).