KAMATI YA SIASA MKOA WA GEITA YARIDHISHWA NA UTEKELEZJI WA MIRADI NYANG’HWALE

Posted on: January 29th, 2023

Kamati ya Siasa Mikoa wa Geita imeridhishwa na Utekelezaji na Usimamizi wa Miradi ya Maendeleo inayotekelezwa ndani ya Wilaya ya Nyang’hwale katika kipindi cha mwaka wa fedha 2022/2023. Hayo yamebainika leo tarehe 29/01/2023 baada ya kamati hiyo ya siasa Mkoa kufanya ziara ya siku moja wilayani humo.

Mwenyekiti wa kamati ya Siasa ya Mkoa, ambaye ndio Mwenyekiti wa Chama Cha Mapinduzi CCM Mkoa wa Geita Mhe. Nicolaus Kasendamila akiongoza ziara hiyo iliyoanza majira ya saa nne asubuhi akiwa ameambatana na wajumbe kutoa CCM Mkoa Pamoja na Mkuu wa Mkoa wa Geita Mhe. Martine Reuben Shigela.

Ziara hiyo ilitembelea miradi ya maendeleo katika wilaya ya Nyang’hwale. Miradi iliyotembelewa ni Pamoja na Mradi wa Maji Nyang’holongo. Ambapo Mwenyekiti wa Kamati alipata fursa ya kuongea na wanakijiji cha Nyang’holongo ambao walikua wachota maji kutoka kwenye Mradi huo uliokamilika kwa Asilimia 98. Pia mwenyekiti alimtwisha Bi Mariam ndoo kichwani ikiwa ni ishara ya Kumpongeza Rais wa Awamu ya Sita (6) Mhe Samia Suluhu Hassan kwa jitiada zake za kuondoa adha ya Maji kwa Watanzania.

Miradi mingine ambayo ilitembelewa na Kamati ni Pamoja na Kikundi cha Bodaboda Saccos kilichopo Kata ya Kharumwa, Kutembelea na kukagua madarasa 6 katika Shule ya Sekondari Msalala ikiwa ni miongoni mwa madarasa 26 yaliyojengwa kwa kiasi cha shilingi Mil 520 zilizotolewa na Serikari Kuu zilizopewa jina maarufu la POCHI LA MAMA. Mradi mwingine uliotembelewa ni Ujenzzi wa jengo la Upasuaji, wodi ya wanawake na wanaume, jengo la kuhifadhia maiti na kichomea taka ambavyo vikikamilika vitakua vimetumia Shilingi Mil 800.