KAMATI YA FEDHA UONGOZI NA MIPANGO YAPONGEZA UJENZI WA STENDI MPYA YA MABASI IKANGALA

Posted on: April 29th, 2025

Kamati ya Fedha Uongozi na Mipango (FUM) imepongeza hatua za ujenzi wa mradi wa stendi mpya ya mabasi Ikangala.

Pongezi hizo zimetolewa jana Aprili 29, 2025 na wajumbe wa kamati hiyo kufuatia ziara ya kukagua miradi ya maendeleo katika kipindi cha robo ya tatu ya mwaka wa fedha 2024/2025.

Mradi wa Stendi mpya ya mabasi awamu ya pili unatekelezwa kupitia fedha za CSR wenye thamani ya Tsh. Milioni 299.9

Mhandisi wa mradi Ndg, Bruno Marco amesema kazi zinazotekelezwa kwa awamu hii ya pili ni pamoja na umaliziaji wa ujenzi wa choo, ujenzi wa jengo la abiria, na jengo la huduma ya chakula.

Pia awamu ya pili inahusisha ujenzi wa jengo la mkusanya ushuru, taa za barabarani, kuweka changarawe tabaka la pili, mitaro, kalavati, kizimba cha kuhifadhia taka, fremu za maduka, na jengo la abiria.