JUMUIA YA MARIDHIANO WILAYA YA NYANG'HWALE YATEMBELEA WAGONJWA SIKU YA UHURU

Posted on: December 9th, 2022

Viongozi wa Jumuia ya Maridhiano Wilaya ya Nyang'hwale imeadhimisha siku ya Uhuru wa Tanzania Bara Kwa kutembelea Hospitali ya Wilaya ya Nyang'hwale na Kituo Cha Afya Kharumwa. Mapema Leo Asubuhi wametembelea wagonjwa waliolazwa kwenye vituo hivyo vya kutolea huduma kwaajili ya kuwaombea na kuwapa pole. Mwenyekiti wa Jumuia ya Maridhiano Pasta Samwel Kanyerere ameongoza ziara hiyo na Kueleza kuwa huu ni mwanzo na Wataendelea kufanya hivi mara kwa mara ikiwa ni Kuonesha Upendo wa Kujenga utamaduni wa Kuwatembelea wagonjwa na wote wenye shida.

Pamoja na hayo waligawa zawadi Kwa wagonjwa hao. Aidha Viongozi wa Jumuia ya Maridhiano walishiriki zoezi la upandaji Miti kwenye Hospitali ya Wilaya na Kituo Cha Afya.