Huduma za Uzazi Zahanati ya Nyijundu zaboreshwa

Posted on: May 19th, 2017

Mkurugenzi Mtendaji wa Halmashauri ya Wilaya ya Nyang'hwale Ndugu Carlos Gwamagobe  jana mchana amekabidhi kitanda cha Kujifungulia, cha kupumzikia wagonjwa na Mashuka 12 kwenye Zahanati ya Nyijundu vyote vikiwa na thamani ya zaidi ya Shilingi Milioni Mbili.

Akikabidhi Vitanda hivyo Ndugu Mkurugenzi  amewasihi akina mama Kuhudhuria Clinic mara tu wapatapo ujauzito ili wapate Vipimo juu ya Ujauzito wao ambapo watapewa Ushauri wa Wataalamu kuhusu maendeleo ya Ujauzito.

Aidha amewasihi Wanaume kujenga Tabia ya kuwasindikiza wake zao Clinic kwani nao watapata Vipimo na Ushauri wa Jinsi ya Kuishi kwa kuzingatia Misingi ya Afya bora ambapo itawasaidia Kujikinga na Magonjwa ya Kuambukizwa na pia watapata Elimu ya Moja kwa Moja ya jinsi gani wawasaidie wake zao wakiwa kwenye hiyo hali.

Kwa niaba ya Wananchi wa Kijiji cha Nyijundu Diwani wa kata hiyo Ndugu Mayunga Godfrey amemshukuru Mkurugenzi Mtendaji kwa Kuwajali wanawake na wananchi wa Nyijundu kwa Ujumla na Kumwomba aendelee kutatua kero mbalimbali za wananchi wake ili kuboresha Maisha yao.

Kabla ya Hafla hiyo Ndugu Mkurugenzi alitembelea wodi ya Wazazi ya Zahanati hiyo ambapo alifurahi sana alipomkuta Bi Happiness Lusonja aliyekuwa na Mtoto mchanga wa siku moja aliyejifungulia kwenye Zahanati hiyo juzi, na alimpatia Zawadi kwa Uzazi wake na Mama Mama huyo alimshukuru sana na Kumtakia Utumishi mwema.

Amewashukuru Wahisani na Wadau Mbalimbali ambao wanaisaidia Halmashauri yetu katika nyanja tofauti ambapo alifafanua kuwa vifaa hivyo vimetolewa Kwa Ushirikiano kati ya Mkurugenzi Mtendaji aliyetoa Kitanda cha Kujifungulia, Kampuni ya Uchimbaji wa Madini ya Dhahabu ACACIA-Bulyanhulu waliotoa Kitanda cha Kupumzika wagonjwa na Mashuka na Godoro ambalo limetolewa na Mheshimiwa Mbunge wa Jimbo la Nyang'hwale.