DC KINGALAME AWAHAMASISHA BODABODA KUSHIRIKI UCHAGUZI WA SERIKALI ZA MITAA.

Posted on: November 14th, 2024

Mkuu wa Wilaya ya Nyang'hwale Mhe, Grace Kingalame leo Novemba 14, 2024 ameendelea kuhamasisha Uchaguzi wa Serikali za Mitaa kwa kutembelea vijiwe vya madereva wanaobeba abiria kwa pikipiki, maarufu kama Bodaboda.

Akiwa katika ziara hiyo Mhe, Grace Kingalame amewataka bodaboda hao na Makundi mengine kujitokeza kwa wingi siku ya kupiga kura ili waweze kuchagua viongozi wa Serikali za Mitaa watakaowaongoza kwa kipindi cha miaka mitano ijayo.

Aidha Mhe, Kingalame ametumia fursa hiyo kutoa rai kwa madereva bodaboda kuchukua tahadhari kwa kuzingatia Sheria za Usalama Barabarani kwa kuwapa viakisi mwanga (reflectors) vitakavyowasaidia kuepuka ajali.

Pamoja na mambo mengine Mkurugenzi Mtendaji wa H/W ya Nyang'hwale Ndg, Husna Toni amewahamasisha Vijana kuchukua mikopo ya asilimia 10 inayotolewa na Mhe, Dkt. Samia Suluhu Hassan kupitia Halmashauri kwa lengo la kuwainua Vijana, Wanawake na Wenye ulemavu.

Uchaguzi wa Serikali za Mitaa utafanyika Novemba 27, 2024 na ubebwa na kauli mbiu isemayo "Serikali za Mitaa, Sauti ya Wananchi, Jitokeze Kushiriki Uchaguzi"