DC GRACE KINGALAME AGAWA WA PIKIPIKI ZA SERIKALI KWA MAAFISA WATENDAJI WA KATA

Posted on: February 23rd, 2023

Halmashauri ya Wilaya ya Nyang'hwale ni miongoni mwa Halmashauri 184 ambazo zimepata mgao wa pikipiki kutoka Serikali Kuu. Halmashauri ya Wilaya ya Nyang'hwale ilipata pikipiki 6 Kwa ajili ya Maafisa Watendaji wa Kata. Hii ikiwa ni Azima ya Serikali ya Jamhuri ya Muungano wa Tanzania Awamu ya Sita inayoongozwa na Mhe. Rais Samia Suluhu Hassan ya kuendelea kuondoa changamoto za kiutendaji Kwa Watumishi Ili kuwezesha kufanya kazi Kwa bidii, kufanikisha malengo yaliyokusudiwa na kutekeleza ILANI YA CHAMA CHA MAPINDUZI  ya Mwaka 2020.

Mkurugenzi Mtendaji wa Halmashauri ya Wilaya ya Nyang'hwale Bi Husna Toni akitoa maelezo katika hafla fupi ya ugawaji wa pikipiki hizo Kwa Maafisa Watendaji wa Kata yaliyofanyika katika ofisi za Halmashauri alisema Ofisi yake ilishatoa Mafunzo Kwa Maafisa Watendaji wa Kata wote Kwa kushirikiana na Jeshi la Polisi Wilaya ya Nyang'hwale Kitengo Cha Usalama Barabarani na Chuo Cha Winpas Driving School. Aliendelea kusema Tayari Wana ujuzi na waledi katika matumizi ya pikipiki hizo. Pia alitoa onyo Kwa Maafisa Watendaji kuendesha vyombo hivyo pasipo kuwa na leseni.

Kata zilizokabidhiwa Pikipiki hizo ni Kata ya Nundu, Mwingiro, Kafita, Busolwa, Izunya na Nyugwa.

Mkuu wa Wilaya Grace Kingalame