MADIWANI WAPATIWA MAFUNZO YA VISHIKWAMBI KUENDESHA VIKAO

Posted on: January 16th, 2025

Mwenyekiti wa Halmashauri ya Wilaya ya Nyang’hwale, Mhe. John I. John amefungua mafunzo kwa Waheshimiwa madiwani ya kutumia vishikwambi kuendesha vikao vya Halmashauri.

Wakati akifungua mafunzo hayo Jana Januari 15, 2025 amesema teknolojia ya vishikwambi itapunguza gharama kubwa za kudurufu makabrasha na kuondoa changamoto ya kuchelewa kwa vikao.

“Kupitia vishikwambi hivi tutaokoa gharama nyingi zinazotokana na kudurufu makabrasha, gharama za mafuta yanayotumika kusambaza makabrasha hayo na kutatua changamoto za kutumia muda mwingi kuandaa na kuendesha vika vyetu” Ameeleza Mhe, Mwenyekiti.

Aidha, Afisa Tawala wa H/W ya Shinyanga, Ndg, Eliminata Andrew amesema wamewafundisha waheshimiwa madiwani namna ya kutumia vishikwambi katika kupokea taarifa, utunzaji wa siri wa taarifa watakazotumiwa na utunzaji wa vifaa hivyo.

Kwa niaba ya Waheshimiwa madiwani, Diwani wa Kata ya Nundu, Mhe, Ruben Bukulu amesema wanamshukuru Mhe, Dkt, Samia Suluhu Hassan na Mkurugenzi Mtendaji kwa kuwapatia vishikwambi vitakavyowarahisishia kazi.