RAS atoa Maagizo mazito Nyang'hwale

Posted on: April 12th, 2019

Katibu Tawala wa Mkoa wa Nyang’hwale Ndugu Denis Bandisa  amewataka Watumishi wa Halmashauri hiyo kujibu hoja themanini na tano zilizo kwenye makundi manne zilizopelekea  Halmashauri ya Wilaya ya Nyang’hwale kupata Hati Chafu kwa mwaka wa Fedha 2017/18 ripoti iliyosomwa na Mdhibiti na Mkaguzi Mkuu wa Hesabu za Serikali.

Akiongea na Watumishi kwenye Ukumbi wa Halmashauri amesema, Watumishi wote wanapaswa kufanya hivyo mapema iwezekanavyo ili kufanya hoja hizo zifutwe na kuondoka kwenye Hoja hizo ili Halmashauri ipate Hati safi kwenye Hesabu zijazo.  

Aidha, Bandisa ameagiza kuchukuliwa hatua kwa wote waliosababisha Hoja hizo kama miongozo inavyohitaji ili kutoa fundisho kwa Watumishi wengine kuona umuhimu wa Kujibu oja kila wanapohitajika.

Kutokana na Udhaifu wa Menejimenti ya Halmashaurir kwenye kujibu hoja hizo, ameagiza kusitisha kwa taratibu zote zinazoendelea za kuwathibitisha Makaimu wote kwenye Idara na Vitengo wanavyovihudumia hadi Halmashauri itapopata Hati safi mwakani.

Bandisa amesisitiza Idara ya Fedha na Ofisi ya Mkaguzi wa Ndani kuhakikisha wanaitoa Halmashauri ilipo na kusonga mbele kwa kushirikiana na sio kutupiana lawama. “shida zote, raha zote ziwe za wakuu wa Idara”… alisema.

Katika kufanikisha hayo, Mtaalamu wa Masuala ya kifedha kutoka Ofisi ya Katibu Tawala wa Mkoa Ndugu Mabula amewataka Idara ya Fedha kuandaa Orodha ya Majedwali yaliyo na hoja zote 85, kuchambua Hoja na kuona ambazo hazijajibiwa kama zinahitaji majibu kwa msaada wa vielelezo kutoka Taasisi zingine, uimarishwaji wa Mifumo ya Fedha ni muhimu hasa Wadaiwa wa Fedha za Mapato na Vitabu vipatikane.

Bwana Mabula amesema majibu yasiyo ya kweli na yasiyo na uhakika hayatatutoa kwenye hoja hizo hivyo inatupasa kuwa weledi na waadilifu kweli kuhakikisha tunafanikisha.

Naye Mkuu wa Wilaya ya Nyang’hwale Mhe. Hamim Gwiyama alisema Hati chafu tuliyopata ni matokeo ya Kukiuka taratibu za Kifedha, na kukosekana kwa umakini katika kazini akakgiza kuanzia kesho Watumishi wenye hoja waanze kujibu hoja hizo mara moja.